Zbulohet fanella e Messit, kur ishte nëntë vjeç (Video)

Është zbuluar fanella e Lionel Messit, të cilën e kishte lënë në Peru kur ishte vetëm nëntë vjeç. Familja e Kevinit, një djalosh peruan, e mban në shtëpi fanellën e legjendës argjentinase, të cilën e kishte veshur në Copa de la Amistad. Kjo kishte ndodhur në vitin 1996 dhe ky ishte udhëtimi i parë i Leos për të luajtur jashtë Argjentinës. “Në ndeshjen e parë ishte në gjumë, por të nesërmen ishte më mirë dhe i ka shënuar 9 nga 10 golat e ekipit Newell’s”, kujton Kevin, i cili e mban me kënaqësi fanellën e katër herë fituesit të Topit të Artë. Pasi ta marrë nënshkrimin e yllit të Barcelonës, me siguri që Kevin mund të vendos që ta shesë këtë fanellë, për një shumë të konsiderueshme parash. /